POLICE News — Patay ro sangka lola ag anang apo matapos nga pangbun-on sa sueod it andang baeay sa Compostela, northern Cebu.
Ro krimen hay natabu samtang nagakatueog ro mga biktima sa andang baeay sa Purok Lumboy, Brgy. Panangban sa nasambit nga probinsiya.
Base sa imbestigasyon, limang miyembro it pamilya ro naninahan, apang sa owa it swerte daywa ro binawian it hueam nga kinabuhi bangud sa mga patal nga lastro nga naagum.
Nakilaea ro mga namatay nga sanday Evelyn Pareja Jayme, 68, ag Gael Jayme Cogay, 5.
Samtang, nakilaea ro suspek nga si Jayson Avila nga insigida man nga naaresto matapos nga maka-report ro mga kaeapitbaeay sa barangay tanod.
Nagapamayad eon sa ospital ro tatlong iba pang biktima.
Ginasugid nga gulpi eamang nga nagsueod ro suspek sa baeay samtang nagakatueog ro mga biktima ko aga-aga it Lunes, ag ginpang-eabu sanda, kun sa siin, unang ginpuntirya ro mag-lola nga magkaiping sa pagtueog.
Matapos nga mapatay ro daywang biktima, nag-agto man ro suspek sa duplex it baeay ag ginpang-eabu man ro tatlong iba pa.
Bangud sa komosyon hay naalerto ro mga kaepitbaeay nga insigidang nagtawag it mga tanod.
Suno sa mga awtoridad, kilaea ro suspek sa paggamit it illegal nga droga nga posibleng sabog kat ginpatigayon ro krimen.
