POLICE Report — Nalitson it buhi ro 69-anyos nga lola matapos nga bumalik sa nagakasunog nanda nga baeay sa Barangay Old Balara, Quezon City.
Suno kay Quezon City Fire District (QCFD) Marshal Fire Senior Supt. Florian Guerrero, bandang alas-9:03 it agahon it Enero 27 kat mag-umpisa ro sunog sa No. 808 Old Balara, Quezon City.
Nauna eon nga gin-report nga naduea ro magueang apang kat matapna ro kaeayo bandang alas-10:49 it agahon hay nasapwan ro sunog nga bangkay kara sa sueod it andang naugdaw nga baeay.
Nagatuhaw sa imbestigasyon nga nagdesisyon ro biktima nga bumalik sa sueod it nagakasunog nga baeay sa pihak it pagpugong kana it anang mga himata.
Nagpilit ro magueang bangud nga may gusto sigon raya nga balikan sa nagakasunog nanda nga baeay hasta nga owa eon raya nakaguwa pa.
Nag-angkon man it second degree burn sa waea nga abaga ro sambilog pang residente.
Padayun pa ro imbestigasyon it mga awtoridad sa rason it sunog.
