BALITANG Espesyal — Bukon it jet ski, skydiving, ag eabaw sa tanan bukon it cruise ro birthday wish it sangka 104-anyos nga lola sa New York.
Ro naga-isaehanon eamang kara nga hinyu ni Loretta Chamberlain hay makulong, maskin nga sang adlaw eang .
Sa baylo nga ordinary nga handaan, nag agto si Loretta sa Livingston County Jail para personal nga maeksperyensiyahan kun paalin nga maging sangka preso.
Suno kay Loretta, gusto eang nana nga makita ro sueod it presuhan bangud nga maskin kan-o hay owa pa imaw naka agto kara sa bilog nana nga kabuhi.
Mainit imaw nga ginbaton it jail officers nga nagtau kana it special tour.
Ginpakita kana ro surveillance system, booking chambers, ag pati ro sueod it selda.
Sa mga litrato, makita ro kalipay ni Loretta, eabi eon kat ginbuytan nana ro sangka pares it posas!
Ag bangud nga espesyal ro anang pagbisita, may bonus pang coffee ag cake para sa kana.
Suno sa jail officers, naging masadya man sanda sa tumaeagsahon nga request it lola.
Antes imaw nga nagguwa it presuhan hay gin-aywan ni Loretta ro anang sikreto para sa mahabang kabuhi, ro mag-focus sa sarili ag indi makialam sa kabuhi it iba.
