Lola namatay sa gutom

KALIBO, Aklan — Gina imbestigahan pa it mga pulis kun ano ro dahilan it pagkamatay it sangka 72-anyos nga lola nga nasapwang naga kaagnas nga bangkay sa sueod it anang gina estarang payag sa Brgy, Tambuan, Malinao, Aklan.

Gin kilaea ro biktimang si Preciosa Pestosa, residente it nasambitang lugar.

Sa report it Malinao Police Station, nadiskubreng owa eon it kabuhi ro biktima kat nakahugom it masangsang ag mabahong hugom ro mga kaeapit-bahay sa payag it biktima.

Kat andang buksan raya, naga hugom eon ro bangkay it lola nga naga eubog.

Gina dudahan nga haeos sang dominggo eon rayang patay ag posibling gutom ro gin kamatay it magueang bangud naga isaeahanon eamang raya nga naga estar sa lugar.