-- ADVERTISEMENT --
POLICE Report — Namatay eon ro sangka lola halin sa Carcar City, Cebu, matapos ro daywang domingo nga pagpabueong sa ospital tuga it pagsakit kana it anang manugang.
Naka-agum ro biktima it grabeng pagkasunog sa eawas nga naging rason it anang pagkamatay matapos nga buhusan it gas ag sindihan it suspek.
Suno sa report, natabu ro insidente ko Enero 5, 2025, kat hungod nga sug-an it suspek ro anang biyenang babaye sa guwa it andang baeay.
-- ADVERTISEMENT --
Ginasugid nga naakig ro suspek matapos nga mag-uli ro anang asawa sa baeay anang mga ginikanan.
Samtang, pilang adlaw matapos mahimo ro krimen, namatay man ro suspek tuga it impeksyon matapos nga tunlon ro nabasag nga bueuytan it toilet cleaner brush.
