KALIBO, AKLAN — Arestado it mga katapo it Kalibo PNP station ro sangka 78-anyos nga lolo matapos nga ginreklamo nga nagpangdakma it maselan nga parte it sangka estudyante.
Suno sa suspek nga si Jaime Aurello, nagwapahan sigon imaw sa biktima rason nga dinakma na raya.
Samtang, suno sa pahayag it 19-anyos nga biktima, nagapa-adto sigon imaw sa eskwelahan kat makasub-eang na ro lolo nga suspek.
Nakibot eamang sigon imaw kat gulpi kara nga dinakma it suspek ro anang idaeom nga parte it anang eawas.
Nakabuhi pa sigon imaw it maeain nga tinaga apang uwa it ibang nakakita sa insidente mag-euwas sa manugtaho nga kasunod na.
Suno man sa manugtaho nga si Jocel Nalaunan, gilayon na nga ginsita ro magueang pagkakita na apang nagdere-deretso eamang raya medyo balewala eamang kana.
Gintueok na pa sigon it maeain si Nalaunan.
Bangud man sa pangidaron it nasambitan nga 78-anyos nga suspek nga lolo, uwa eon sigon it balak ro pamilya it biktima nga pasakaan raya it kaso.
Nasayuran nga hauna eon nga hapreso eon ro nasambitan nga lolo bangod sa pilang ka kaso it pagpanakaw it manok sa banwa it Kalibo.
