KALIBO, Aklan — Kritikal ro sangka 68-anyos nga lolo matapos masunggaban it motorsiklo bandang alas-7:00 it gabi-i sa Brgy. Polo, Banga.
Ginkilaea ro biktima nga padayun nga gina-obserbahan sa Intensive Care Unit (ICU) it Aklan Provincial Hospital nga si Ignacio Dequeros, residente it nasambit nga lugar nga nag-angkon it lastro sa ueo ag gasgas sa nagkaeain-eain nga parte it anang eawas.
Samtang, gindaea man sa nasambit nga ospital ro driver it motorsiklo nga si Don Carlo Salazar, 18, ag residente it Brgy. Toralba, Banga.
Base sa report, nagapauli eon kunta si Salazar sakay it anang motorsiklo halin sa Brgy. Polo apang pag-abot sa may palikuan, ginasugid nga gulpi eang nga nagtabok ro biktima.
Gina-alegar nga sa idaeum it makihieilong nga ilimnon ro biktima kat natabu ro aksidente. .
