-- ADVERTISEMENT --
KALIBO, Aklan — Uwa eon it kabuhi kat masapwan ro sangka 75-anyos nga lolo matapos nga magbaril sa anang kaugalingon sa sueod it andang baeay sa St. Bernard Subdivision, Barangay New Buswang, Kalibo, Aklan.
Ginapahayag nga bangud sa grabeng depression tuga it ginabatyag nga sakit rason nga nagpakamatay ro biktimang si alyas “Ramon”, residente it nasambitang lugar nga nakaangkon it sangka tama it bala sa tu-o nga sentido.
Base sa report, matapos makabati it eopok it baril sa sueod it baeay, gin-adtunan it kabulig ro ginhalinan kara ag ginkakibot eon lang kara kat nakit-ang nagahamyangon sa saeog ro lolo ag nagapaligos sa kaugalingong dugo.
Gindeklarang patay ro biktima it andang family physician nga si Dr. Darlette Ladrido.
