KALIBO, AKLAN — Nilimas it tatlong guest relation officer (GRO) ro kwarta it sangka lolo nga nagtanyag nga paestaron ro mga raya sa anang baeay sa Abierra Road, Brgy. Andagao, Kalibo, Aklan.
Naga kasubo nga nagpadueong Kalibo police station agud magreklamo ro biktimang si Alvin Siendon, alyas Tatay Bening, 66, sangka negosyante ag residente it nasambitang lugar.
Gina sugid nga inimbitahan it lolo ro mga suspek nga nakilaea eamang sa pangaeang Roxanne, Rochie at Lyn-Lyn, puros mga residente it Escalante, Negros Occidental sa anang baeay matapos nga owa sigon it maestaran ro mga raya ag bag-ong salta eamang sa Aklan agud magtrabaho sa sangka night club.
Suno sa biktima nga makadali eamang kara nga gin aywanan ro mga suspek sa anang baeay nga naga limpiyo agud magbakae it nasamad nga clutch it anang motorsiklo apang, pagbalik hay owa eon ro mga babaye.
Eubus nga gin kakibot it lolo kat matukiban nga owa eon ro anang kwarta sa sueod it nakasab-it nga saywae nga naga balor it masobra sa 27,000 pesos.
Kasong qualified theft ro gin pasakang kaso it biktima sa tatlong mga suspek nga gina patihang alyas eamang ro gin taong pangaean.
