POLICE Report — Sangka bangkay it 64 anyos nga eaeaking vendor ro nasapwan it mga residente nga naga-eutaw-eutaw sa irigasyon sa San Ildefonso, Bulacan.
Nakilaea ro biktimang senior citizen nga si Mang Filo, may-asawa, fruits and vegetable vendor ag residente it Purok 4, Brgy. Sapang Putik.
Sa report, nasapwan nga naga-eutaw-eutaw nga bangkay bandang 2:20 it hapon sa irrigation canal sakop it Brgy. Calasag.
Suno sa report, sangka Barangay Kagawad it Brgy. Calawitan ro naka-agi sa irigasyon kun sa siin nakita kara ro naga-eutaw-eutaw nga bangkay it magueang rason nga insigidang nag-report sa kapulisan.
Samtang, sangka nagahingaean nga Jennifer, 35 anyos ag residente it lugar ro personal nga nagkilaea sa bangkay nga suno kana hay anang ama nga owa naka-uli it andang baeay umpisa nga nagpanaw raya ko gabi-i it Pebrero 15.
Sa separadong report, may nakakitang nakatueogan ro biktima sa anang nakaparadang tricycle halin sa sangka inuman ag kat mabugtaw hay posibleng ginhana nana nga mag-ihi sa kilid it irigasyon hasta nga aksidente raya nga nahueog.
Sa pihak kara, nagpanawagan ro pamilya it biktima sa publiko nga ipahisayod sa mga awtoridad ro anumang impormasyon para makabulig sa padayun nga ginapatigayon nga imbestigasyon it kapulisan.
