NATIONAL News — Sangka 64 anyos nga eaeaki nga gina alegar nga dating miyembro it Bagong Hukbong Bayan ro boluntaryong nagsurender sa mga awtoridad sa probinsiya it Bulacan.
Ginkilaea it mga awtoridad ro nagsurender nga dating rebelde nga si alyas “Ka Louis”, mangingisda, ag residente it Brgy. Tibagin.
Base sa report, nagsurender sa taeatapan it Bulacan 1st PMFC sa nasambit nga kampo ro dating rebelde bandang 1:25 it hapon ko nagtaliwan nga domingo.
Boluntaryo man nana nga ginsurender sa mga awtoridad ro sangka snub-nosed caliber 38 revolver nga owa it serial number nga may daywang bala.
Ginasugid nga naga-operate ro dating rebelde sa coastal areas it Bulacan, Pampanga, Bataan ag Zambales antes nga nagsurender.
Sa kostudiya eon it 1st PMFC ro dating mangingisdang rebelde para sa investigation ag custodial debriefing.
