KALIBO, Aklan — Gin buyanyang ag gin hampangan it sangka 57-anyos nga lolo ro anang kinatawo sa atubang it mga babayeng kaeapit-baeay dahilan nga inaresto it mga pulis sa anang gina estaran sa Brgy. New Buswang, Kalibo, Aklan.
Kat daehon sa Kalibo Municipal Police Station, gin hana pang ubahon it suspek nga gin kilaeang si Anthony Asister ro anang shorts kat makita ro sangka gwapang pulis apang, napugngan it iba pang pulis.
Sa pagpangotana sa lolo, nasayuran it mga otoridad nga gin aywanan raya it anang misis ag mga unga bangud sa pagiging paeahilong.
Gina sugid nga kada lango sa aeak hay gina pagowa sigon it suspek ro anang kinatawo ag naga masturbate apisar nga may mga ungang naga tan-aw.
Posibleng ipa-examine ro lolo agud masayuran kun raya hay sangka exhibitionist ukon sangka indibidwal nga nalipay sa pagpakita it anang kinatawo sa ibang tawo partikular ro mga kababayehan samtang raya hay naga paraos.
