Makahaeadlok ro mga nagakatabu makaron nga ginaeakutan it loose firearms.
Maabu ro nagkalhit nga mga baril ag ginagamit it sibilyan nga matsa balewala eang.
Makangawa-ngawa kon siin nagahalin ro nasambit nga mga baril ag medyu owa na-monitor it Philippine National Police (PNP).
Nagahatud it pagkabaeaka nga bangud nga owa it kontrol nga pagdaea it baril it maskin sin-o eon lang hay nagakalhit ro krimen sa nasyon.
Sangkiri nga owa pagka-ilintindihan ukon away sa trapiko, magabaearilan eon.
Ro pagpatay kay Negros Oriental governor Roel Degamo ko Marso 4 hay gina angot man sa loose firearms.
Sangka grupo it kaeaeakin-an nga armado it baril ro nagsueod sa compound ni Degamo ag raya hay ginbaril.
Kaibahan nga napatay ro waeong iba pa.
Makaron nga nagahilapit eon ro barangay elections mas dapat nga taw-an it atensyon it PNP ro pagkumpiska sa loose firearms.
Pabaskugon ro kampanya kontra sa loose firearms.
Nagahatud it pagkabaeaka ag kahadlok ro mga krimen angot kara.
