Kalibo Aklan ——Ginapasugtan eon nga maka-operate ro mga lotto outlets sa mga lugar nga sa idaeom it General Community Quarantine (GCQ) ag Modified General Community Quarantine (MGCQ).
Raya hay matapos nga aprubahan ni Pangueong Rodrigo Duterte ro request it Philippine Charity Sweepstakes Office (PCSO) nga makapatigayun it draw sa andang main office sa National Capital Region (NCR).
Suno kay PSCO-Aklan Provincial Financial Management officer John Martin Alipao, nagapabilin nga suspendido ro lottery games sa tanan nga mga lugar nga sa idaeom it it Enhanced Community Quarantine (ECQ) ag Modified Enhanced Community Quarantine (MECQ).
Ginpahayag dugang nga masobra 40 ka mga lotto outlets eon ro nakapag-operate kahapon sa bilog nga probinsya it Aklan.
Kaangot kara, nagbalik eon sigon sa 20 pesos ro presyo it lotto tickets.
Bangud kung madumduman antes nga nagdeklara it lockdown ag Enhanced Community Quarantine (ECQ) ro bilog nga nasyon hay nag-abot raya it 24 pesos tuga it nagapadayun nga paeag it Coronavirus Disease ukon COVID-19 pandemic.
Kaangot kara, hugut man nga ginapatuman it ahensya ro pilang minimum health standards it Department of Health kapareho it pagsuksok it facemask ag pag-obserba it physical distancing agud nga malikawan ro pagkalhit pa it makataeapon nga sakit.
