KALIBO, Aklan–Ginakabig nga mabahoe nga bulig ro pagselebrar it Love Boracay sa Isla it Boracay ku nagtaliwan nga Abril 29 hasta it Mayo 1.
Suno kay Joselito Dela Banda, Provincial Director it DOLE Aklan nga mabahoe nga bulig ro nasambit nga aktibidad bangud maabo nga trabaho nga nagbukas para sa mga pomoeuyo nga naduean it paeangitan-an.
Maabo eon sigon nga mga establisyemento ro uman nga nagbukas partikular sa front beach raya hay matapos it andang ginpatigayon nga environtmental scanning.
Dugang pa ni Dela Banda nga sandig sa datus it PESO Malay masobra sa 7,000 ro natigayon nga mabuksan it oportunidad nga makatrabaho sa Isla.
Ginaeuman it PESO Malay ro pag-abo it mga empleyado bangud abo pang bakante nga mga trabaho ro nagahueat sa isla.
Samtang, ginasiguro man it DOLE Aklan nga igatao sa mga empleyado ro nagakaigo nga sweldo bangud sa sunod-sunod nga regular holiday sa nasyon.
