KALIBO, Aklan—Hugut nga igapatuman it Land Transportation Franchising and Regulatory Board ukon LTFRB-6 ro “no cooperative, no franchise” nga patakaran.
Suno kay Edgar Igcazensa, manager it Malinao Lezo Transport Cooperative nga umpisa ko Marso 31, 2021 hay nagtapos eon ro probationary authority ag franchise nga gin-isyu sa mga operators it public utility jeepneys ukon PUJ.
Bangud kara, gintaw-an it palugit ro mga franchise holder it hasta sa Marso 31, 2022 nga magpa-miyembro eon sa andang natungdan nga route cooperative agud nga padayun nga makabiyahe.
Engkaso nga mapas-eawan, magiging colorum ro andang mga saeakyan.
Ginaduso sigon it LTFRB ro Public Utility Vehicle Modernization Program antes nga matapos ro termino ni Pangueong Rodrigo Duterte.
