Ginapahauman eon it Land Transportation Franchising and Regulatory Board ukon LTFRB ro ginaduso it Department of Transportation (DOTr) nga pagpatuman it diskuwento sa pamasahe it mga pampublikong saeakyan.
Suno sa taeatapan nga may una eon nga pondong nakataeana para sa Service Contracting Program (SCP) ag ginahueat eon lang it Ahensya nga maigatao raya it Department of Transportation sa LTFRB.
Sa idaeom it proposisyong laye, maghalin sa P12.00 hay pagahimuon it uman nga P9.00 ro minimum nga pamasahe sa mga tradisyunal nga jeep ukon kapareho it paeanuktan kat owa pa it pandemya sa nasyon.
Nagaeaum si Land Transportation Franchising and Regulatory Board Chairman Teofilo Guadiz III nga madugangan pa ro pondong nakataeana para sa programa para mas mapaeapad ag maabo pa ro makipanipueos.
