Nagpanindugan ro Land Transportation Franchising and Regulatory Board (LTFRB) nga inde eon pagpaeawigon pa ro provisional authority to operate it unconsolidated jeepneys.
Nauna eon nga ginduso it sangka mamalidha ko buean it Mayo sa pag-eaum nga mas makit-an ag maintindihan ro mga benepisyo it consolidation nga kinahang-ean sa idaeom it public transport modernization program.
Inisyal man nga ginhambae ni LTFRB Chairperson Teofilo Guadiz nga tun-an it anang ahensiya ro nasambit nga proposisyon.
Apang, matapos ro pagpueong kaibahan ro mga opisyal it Department of Transportation, ginpahayag ni Guadiz nga inde eon matun-an sa makaron ro proposisyon bangud nga gusto eon it Marcos administration nga ipadayon ro modernization program.
Ginpahayag man it LTFRB chief nga ro guidelines para sa pagdakop it mga uwa pa nag-consolidate nga jeepneys sa makaron hay nakabinbin pa samtang ginahueat ro approval it Department of Transportation.
