Uman nga nagpatigayon it pueong ro Land Transportation Franchising and Regulatory Board ukon LTFRB Region 6 kaibahan ro nagkaeain-eain nga grupo it transportasyon sa Western Visayas agud talakayon ro mga tikang angot sa epekto it pagtaas it presyo it langis sa sektor it transportasyon.
Ginpangunahan ni LTFRB Chairman Vigor Mendoza II ro meeting kun sa siin gintalakay ro madalian nga pagpanupod it fuel subsidy para sa mga drivers ag operators it PUV ag ro koordinasyon sa iba pa nga ahensya it gobyerno.
Mag-eowas kara, naistoryahan man ro posibleng pagpataas it pamasahe agud nga suportahan ro sektor it pampublikong saeakyan eubus nga naapektuhan it mabahuean nga oil price increase.
Samtang, gin-engganyo it LTFRB ro mga Electronic Money Issuers nga awtorisado it Bangko Sentral ng Pilipinas nga magpartisipar bilang payment channel providers para sa paeaabuton nga Fuel Subsidy Program it gobyerno.
Tuyo kara nga masiguro ro maayos, madasig ag transparent nga pagpanupod it fuel subsidy para sa mga kwalipikado nga drivers ag operators sa bilog nga nasyon.
