KALIBO, Aklan — Kasunod it naga padayun nga rehabilitasyon sa Boracay, nagpanawagan ro Land Transportation Office (LTO) sa mga naga panag iya it owa pa naka-rehistrong saeakyan nga kusang i-surrender ro mga raya agud mapagowa sa isla.
Gin pahayag ni LTO Regional Director Ronald Ramos nga tuyo kara nga insigidang maisaylu sa impounding area sa mainland Malay umpisa sa Mayo 7 agud masolusyunan ro gutok nga daeagan it trapiko sa lugar.
Prayoridad sigon nanda nga maduea ro mga illegal vehicles nga mag eowas nga owa it rehistro ag franchise hay nagabuga pa it maitom nga usok.
Nasayuran nga haeos 1,800 ro mga owa naka-rehistrong saeakyan sa isla kapareho it habal-habal, delivery vans, golf carts ag iba pa.
Gin klaro ni Ramos nga indi paga kumpiskahon ro mga saeakyang kusang paga daehon sa impounding area bago ro gin taeanang deadline, ag sa baylu hay iga paidaeum ro mga raya sa registration updating.
Magatao sanda it 15 diyas nga libreng impounding fee.
Samtang, hasta sa Agosto eon lang it makaron nga dag-un ro palugit it LTO bago ipatuman ro total phase-out sa mga nakarehistrong tricycle, kun siin paga bayluhan ro mga raya it environment-friendly nga electric tricycles ukon e-trikes.
Sa makaron hay may unang 257 ro e-trikes nga naga biyahe sa isla, apang, 76 units eamang ro may franchise ag naka-rehistro sa LTO.
