KALIBO, Aklan–Uman nga nagpadumdom ro Land Trasportation office ukon LTO-Aklan sa publiko nga magsunod sa ginapatuman nga minimum health protocol it Local Inter-Agency Task Force on COVID-19.
Raya hay matapos ro sigidas nga pagtinaas euman it mga kaso it coronavirus disease ukon COVID-19 bukon eamang sa probinsya kungdi pati man sa mga kaiping nga lugar.
May kaangtan kara, ginpahayag ni LTO-Aklan chief Engr. Marlon Velez, nga maabo ro andang na-obserbahan sa mga pampublikong trasportansyon nga owa nagasunod sa protocol.
Kaabuan man sa mga raya hay naga-comply eamang paghalin sa terminal ag nagapick up it mga pasahero sa katung-anan it pagbiyahe.
Nasayuran nga hasta makarun hay mandatory ro pasuksok it face mak ag face shield kamana man ro pagpatuman it physical ukon social distancing sa pampublikong transportasyon ag 50 porsiyento eamang it andang kapasidad ro ginapasugtan.
Angot kara, anda eun nga gin-abisuhan ro mga municipal police station nga hugot nga bantayan ro mga pampublikong saeakyan agud nga magsunod sa nasambitan nga pagsinoeondan.
