KALIBO, Aklan–Ginpahayag ni Land Transportation Office ukon LTO-Aklan head Engr. Marlon Velez nga owa sanda it nabaton nga anuman nga reklamo may kaangtanan sa anang mandu nga ipatuman ro pagpabalik sa dating pamasahe it mga nagkaeain-eain nga transport group sa probinsiya it Aklan.
Raya hay kasunod it anang ginpatawag nga pueong ko nagtaliwan nga domingo.
Nauna eon nga nagpaandam ro LTO nga posibleng magapangatubang sa penalidad ro mga drivers/operators nga maga-eabag sa overcharging.
Kinahangean suno kana nga masunod kon ano ro nakabaehag sa fare matrix ukon taripa nga ginpaguwa it LTFRB regional office 6.
Nakadepende eon sigon sa mga pasahero kon pagadugangan ro igabayad nga pamasahe.
Angot kara, gin engganyo ni Engr Velez ro mga commuters nga boe-on ro plate number it mga PUJs nga nagasukot it sobra sa taripa ag ipadaea sa andang taeatapan.
