KALIBO, Aklan—Gintaw-an it dugang nga sang buean it Land Transportation Office ukon LTO ro validity it mga nag-expired nga student permit, agud nga makamaneho ro mga owa pa it professional ag subprofessional nga driver’s license.
Suno kay Riza Otayde, tagapaghambae it LTO-Regional Office 6 nga may ginpaguwa nga Memorandum Order si LTO Chief Edgar Galvante nga pwede pang gamiton hasta October 31 ro mga expired nga student permit.
Apang, ginklaru kara nga raya hay aplikable eamang sa mga 20 anyos antes nga gindeklara ro Enhanced Community Quarantine sa bilog nga nasyon.
Gindugang pa ni Otayde nga buot hambaeon nga indi pagadakpon ro mga driver nga ro gamit hay student permit, bangud sa presenteng sitwasyon it nasyon nga una sa idaeum it pandemya tuga it Coronavirus Disease 2019 ukon COVID-19.
Sa pihak kara, kinahangean gihapon suno kana nga ro mga may buyot it student permit hay magbo-oe it examination sa mga testing center it LTO agud nga makaangkon it sub-professional license sa pagmaneho antes ro katapusan it Oktubre it makaron nga dag-on.
Owa pa sigon imaw it ideya kon paeawigon pa it masobra sa buean it Oktubre ro validity it mga nag-expired nga student permit.
