KALIBO, Aklan—Umpisa makaron nga adlaw it Huwebes, Agosto 20 hay magapapanaog eon it multa ro Land Transportation Office ukon LTO sa sin-o man nga driver nga maga-eabag sa ginapatuman nga face shield policy sa mga nagasakay nga pasahero sa pampublikong transportasyon.
Suno kay Engr. Marlon Velez, head it LTO-Aklan nga kapin sa P2,078 ro multa sa mga drivers nga indi makasunod sa mandatory nga pagsuksok it face shields sa idaeum it reckless driving.
Raya hay mag-eowas pa sa pagsuksok it face masks.
Pagakumpiskahon man ro andang mga drivers license.
Angot kara, magapatigayon sigon sanda it inspections sa mga nagapangunang karsadahon agud nga matumod kon may mga drivers ag conductors nga nagapasakay it mga pasahero nga owa it face shield.
Maskin suno kana ro mga drivers hay obligado nga magsuksok it face shield.
Required man ro mga saeakyan nga magbutang it karatola nga “No Face shield No Ride Policy”.
Ginklaru pa ni Engr. Velez nga exempted sa patakaran ro mga private nga saeakyan.
Nasayuran nga maskin ro Labor Department hay nagpaguwa man it mandu nga maskin ro mga empleyado hay kinahangean nga magsuksok it face shields sa ginatrabahuhan umpisa ko Agosto 15.
