Nagpanawagan ro Land Transportation Office (LTO) sa tanan nga mga motorista nga magpa-renew it andang driver’s license ag rehistro it saeakyan antes mag-abot ro Hulyo 31, 2026 agud malikawan ro pagmulta ag iba pang mga penalidad.
Suno sa LTO, matapos sa nasambit nga petsa ro gintao nga extension sa validity it driver’s license, conductor’s license, student driver’s permit, ag motor vehicle registration, suno sa Memorandum Circular No. MVL-2026-5157.
Pagkatapos it deadline, ro mga lisensya ag rehistro nga expired ag uwa pa na-renew hay ipa-idaeom eon sa nagakaigo nga mga regulasyon ag penalties para sa late renewal.
Ginpadumduman man it LTO ro mga motorista nga magpakig-angot sa pinakamaeapit nga opisina it ahensya ukon bisitahon ro opisyal nga social media pages agud makabaton it insakto ag kumpirmado nga impormasyon parte sa renewal.
Madumdumang ginpaeawig it LTO sa tatlong buean ro validity it mga lisensya ag rehistro nga nag-expire halin Abril 2026 bilang kaparte it transition measure, kun sa siin temporaryo nga uwa anay ginpatuman ro penalties para sa late renewal.
