Naging mahae ro pagbuoe it driver’s license bangud sa kataas it ginasukot it mga driving school para sa theoretical driving course (TDC) ag practical driving course (PDC).
Rason nga ginpromisa it Land Transportation Office nga magapatigayun sanda it mga tikang agud nga ubrahon nga mas abot-kaya ro presyo kara.
Ginpahayag ni LTO chief Assistant Secretary Jay Art Tugade halin kat magpungko imaw sa pwesto, sangka technical working group ro ginkriar agud nga uman nga estudyuhan ro mga guidelines sa operasyon ag mga bayad nga ginasukot it mga driving school ag medical clinic nga kaibahan sa pag-apply it driver’s license.
Base sigon sa rekomendasyon it natungdan nga technical working group, ro LTO hay nagasuhestiyon it balido nga standard fee-based structure para sa driving schools para sa kamaeayran it publiko.
Dugang pa ni Tugade, sa makaron ro taeatapan hay nagapanukot it P250 para sa student permit ag P685 man para sa driver’s license.
Samtang, sa idaeom it Republic Act 10930, dapat anay nga bue-on it mga aplikante ro theoretical driving course ag practical driving course (PDC) para makabuoe it lisensya.
