Nakataeanang ipatuman it Land Transportation Office (LTO) sa April 15 ro sueundanang haega it maximum rates it mga pribadong driving institution sa mga aplikante sa pagboue it lisensya sa pagmaneho.
Sa idaeom it bag-ong sueundanan , ro ginpasugtan nga pinakamataas nga haega nga maabung sueuktan it mga pribadong driving institution para sa Theoretical Driving Course (TDC) hay hasta P1,000.00 eamang.
Ginasugid nga ro bag-ong sueundanan hay nag-agi sa maid-id nga pagtuon it technical working group ag sumalang man sa konsultasyon sa tanan nga mga stakeholders.
Samtang, nakabaehag sa bag-ong sueundanan ro ginbuhinang adlaw para makumpleto ro mandatory 15-hour nga Theoretical Driving Course.
Maghalin sa dating tatlong adlaw hay posibleng tapuson it aplikanteng driver ro kurso sa sueod it daywang adlaw ukon pitong (7) oras sa unang adlaw ag waeong (8) oras sa masunod nga adlaw sa sueod eamang it sang buean.
