Ginpabaskog it Land Transportation Office (LTO) sa Western Visayas ro kampanya kontra sa anomalya nga nagresulta sa pagkaaresto it 26 nga eakot sa “fixing” ag pagpasaka it 96 nga kaso, kon sa siin 18 ro nauli sa sentensya it pagkasaea.
Suno kay Regional Director Gaudioso Geduspan II, tuyo it ginpabaskog nga operasyon nga maibalik ro kumpyansa it publiko matapos ro mabuhay nga isyu it mga fixer ag iregularidad sa ahensya.
Kaparte raya it mas maeapad nga reporma it LTO sa bilog nga nasyon.
Halin kat magpungko ko 2024, nagpatuman ro LTO-6 it mas sistematikong kampanya kontra sa ilegal nga transaksyon, kaibahan ro pagpunterya sa parehong mga fixer ag kahinaan sa sueod it ahensya.
Naglunsar man ro taeatapan it internal cleansing program agud imbestigahan ag penahan ro mga tawuhang eakot sa anomalya nga may penalidad halin sa suspensyon hasta sa pagkakas sa serbisyo.
Ginpunto it LTO-6 ro andang “zero tolerance” policy kontra sa fixer, kadungan it padayon nga tikang agud mapamayad ro serbisyo ag tapnaon ro ilegal nga hilimuon.
