KALIBO, Aklan—Pormal eon nga nagpungko bilang bag-ong pangueo it Bolivia si Luis Arce matapos magdaog sa eleksyon ag bayluhan sa puwesto ro long-term leftist leader nga si Evo Morales ko nagtaliwan nga dag-on.
Ginpangunahan ni David Choquehunca, pangueo it Legislative Assembly it Bolivia, ro pagpanumpa ni Arce sa La Paz.
Gintambungan raya it mga lider halin sa rehiyon ag ibang parte it kalibutan nga ginakaeakipan nanday King Felipe VI it Spain ag ro pangueo it Paraguay, Argentina ag Colombia.
Kaibahan man sa nagtambong ro mga senior officials halin sa Chile, Iran ag sa Venezuela.
Magiging ika-67th nga pangueo eon it Bolivia si Arce.
Madumduman nga matapos nga magdaog si Morales ko nagtaliwan nga dag-on hay nag-umpisa ro mga hub-eag protesta nga nagapanawagan kana nga maghalin sa puwesto matapos ro 14-anyos nga pagdumaea sa nasyon.
