KALIBO, AKLAN — Nasip-eatan nga naki-party sa sikat nga LaBoracay 2017 ro pilang mga sikat nga local celebrities kapareho nanday Luis Manzano, Ellen Adarna, Diana Menezes, Teejay Marquez ag iba pang mga bag-uhang artista.
Bangud kara, todo enjoy man ro mga local tourists sa pakiki-selfie sa mga nakasub-eang nga celebrities sa beach front.
Nauna eon kara nga ginpahayag ni Caticlan jetty port administrator Nieven Maquirang nga ginaeaumang magaabot it kapin sa 70,000 ro turistang makisadya sa mga beach parties ag events agud iselebrar ro Labor Day sa isla it Boracay.
Nasayuran nga ko 2016 hay nag-abot sa 60,441 ro turistang bumuhos sa isla umpisa Abril 25 hasta it Mayo 2.
Sa pihak nga parte, gin-engganyo ni Maquirang ro mga partygoers nga maging responsabli ag sundon ro ginapatuman nga mga ordinansa sa isla kapin eon nga hugot nga ginabawae ro pagkalat it basura agud mapreserba sigon ro kaanyag it Boracay.
