SPORTS News — Gin-abangan makaron nga agahon ro pagbalik it basketball superstar guard nga si Luka Doncic sa Dallas, Texas, USA bukon it bilang sangka Maverick kundi sangka kaengkwentru.
Raya ro unang kahigayunan nga nag-bisita si Luka sa Dallas umpisa nga natabu ro blockbuster trade ko Pebrero 2, 2025 nga imaw ro nagsaylo kana sa Los Angeles Lakers kabaylo sa 10-time All-Star nga si Anthony Davis.
Raya man ro unang kahigayunan nga magahampang si Davis kaibahan ro Dallas kontra sa Los Angeles.
Madumduman nga nag-angkon imaw it injury kat una nga nag-atubang ro daywang ka teams ko Pebrero 25.
Ro Dallas ro nagdaog it titulo sa Western Conference ko nagtaliwan nga season, apang nagapang-10 sanda sa makaron nga standings. Ro Lakers man hay nagapangatlo makaron sa conference.
Antes ro ginpatigayon nga hampang, ginpaguwa si Luka it Lakers kontra sa Oklahoma City Thunder bangud sa anang ikaywa nga technical foul. Napiyerde ro Lakers sa nasambit nga game sa score nga 136-120.
Kinahangean nga padaugon it Lakers ro daywa sa andang nabilin nga tatlong hampang agud nga makabo-oe it pwesto sa West.
