KALIBO, Aklan — Uman nga pagabuhion ro pilang mga lumang aktibidades ag tradisyon sa highlight it selebrasyon it Ati-Atihan Festival sa masunod nga dag-on.
Suno kay Apol Zaraspe, chairman it Kalibo Sr. Sto. Niño Ati-Atihan Management Council ukon Kassamaco nga sa opening salvo hay igatakod eon nanda ro dekorasyon sa palibot it Kalibo Pastrana Park nga kon sa siin hay may tema nga 70’s ag 80’s nga selebrasyon.
Magiging maeawig man sigon makaron ro selebrasyon nga halin sa dating pitong adlaw hay magiging napueong adlaw nga paga-umpisahan sa Enero 10 hasta 19.
Iga-revive sigon kara ro reenactment it pag-abot it 10 nga Bornean datus ag ro dating sikat nga snake dancing sa Magsaysay park.
Samtang, ko Oktubre 19 hay ginpatigayon ro final screening para sa mga kadaeagahan nga Kalibonhon nga gustong magpasakop sa search for Miss Kalibo Ati-Atihan nga sambilog man sa mga highlights it selebrasyon nga nauna eon nga ginbansagan nga “Mother of Philippine Festivals”.//
