Kapin sa 700 nga dumueoong turista ro gindaea it luxury cruise ship nga MS Seven Seas Mariners sa isla it Boracay matapos nga nadayon ro andang pagdungka sa tunga it eawod kasunod it manami nga tyempo.
Suno kay Senior Chief Petty Officer Dominador Salvino it Philippine Coast Guard Aklan nga mag-eowas pa sa nasambit nga numero it pasahero ro masobra sa 400 nga crew members it barko.
Ro point of origin it nasambit nga cruise ship hay sa Bahamas kon sa siin bago pa man umabot sa Boracay hay umagi anay raya sa Palawan.
Gin-abi abi it lokal nga gobyerno it Malay partikular it tourism office personnel ro mga bisita pinaagi sa pagshowcase sa talento it grupo nga naka-custome it pang Ati-Atihan Festival.
Samtang sa pihak nga parte, uman nga ginpasiguro ni Salvino nga haom ro PCG sa mga pagahimuon nga tikang engkasong mataeopangdan nga makaabot sa bisinidad it sea waters it probinsya it Aklan ro oil spill nga padayon nga nagapanaeasa sa mga kaeapit nga coastal areas partikular sa Caluya, Antique.
Naka-preposisyon eon sigon ro andang improvised oil spill boom nga pagagamiton engkasong may mataeopangdan nga langis sa maskin siin nga coastal areas it Aklan.
