KALIBO, Aklan—Bangud sa padayun nga naexperiensiyahan nga COVID-19 pandemic, maabu katon ro nakabatyag it stress.
Suno kay Aklan 1st District Sangguniang Panlalawigan member Atty. Harry Sucgang nga kaeabanan nga ginahalinan it stress eabi eon makaron nga tiempo hay ro sobrang pagkabaeaka bangud sa kapos sa kwarta, kawad-an it trabaho ag kon siin mabo-oe it panggastos sa pamilya kamana man ro sobrang pagkabaeaka sa ekonomiya ag problema sa ikamayad nga eawas.
Angot kara, ginhambae ni Atty. Sucgang nga makaron ro tiempo nga kinahangean nga maging maeapit sa Diyos ro tanan.
Ginlaygay pa kara nga agud nga indi ma-stress magpangabuhi it simple ag masadya, tutukan ro ikamayad nga eawas, maka-intigo nga makuntento ag magpasaeamat sa mga bagay nga may una ka.
Mas mayad man suno kana nga maggastos eamang it tama.
