KALIBO, Aklan—Maabu ro napierde sa pustaan sa US sa ginpatigayon nga game 6 it NBA finals.
Suno kay Bombo International Correspondent Greg Aguilar nga raya hay bangud nga maabu ro nagaeum nga bukon pa it final game ro natabu nga game 6 nga tinapos eagi it Golden State Warriors.
Kaabuan suno kana sa mga oddmakers hay nagaeaum nga makaangkon pa it game 7 sa Lunes rason nga kaeabanan sa mga manugtaya hay nagpabor sa pagdaog it Boston Celtics.
Sa Las Vegas odds, antes pa man nga mag umpisa ro hampang sa TD Garden Arena, ginpahayag ni Aguilar nga ro Celtics hay minus -170 moneyline favorite samtang ro warriors hay plus +143 underdog.
Gindugang pa ni Aguilar nga sa pag-umisa pa eamang it 2021-22 NBA regular, ro basketball betting market hay masyado eon nga naging mainit sa mga manugtaya.
