National News———–Nagapati si COMELEC (Commission on Elections) Commissioner George Garcia nga maabo sa mga Pilipino ro magapartisipar sa sang bueang Overseas Absentee Voting sa nagkaeain eain nga parte it kalibutan kompara ko 2019 midterm election.
Ginapahayag nga naga-abot sa 1.7 milyong nga mga OFW sa ibang nasyon ro magapartisipar ag kauna-unahang magaboto sa mga kandidatong nagustuhan sa pinakamataas nga posisyon sa nasyon.
Kaibahan kara ro pangueo, bise presidente, 12 senador, ag Party-list group.
May daywa sigon sa pamaagi agud nga makaboto ro mga Overseas Filipino Worker.
Una hay ro pag-adto sa embahada ukon konsulada it Pilipinas ag ro pangaywa hay ro pagpadaea kanda it mga pagagamitong balota antes nga igasumite sa embahada ukon konsulada it nasyon.
Makaangkon man sigon it konsiderasyon ro COMELEC sa mga nasyon nga may unang mataas nga Coronavirus Disease 2019 cases kapareho it Hong Kong, China ag mga nasyon nga may unang kaguluhan ukon conflict areas.
