Kalibo Aklan ———–Matapos nga uman nga ipatuman it provincial government ro “COVID-19 test requirement” para sa mga turista ag naga-uli nga residente, maabu nga mga flights ro nakansela sa Kalibo International Airport .
Raya ro ginkumpirma ni Engr. Eusebio Monserate , Jr. , manager it Civil Aviation Authority of the Philippines (CAAP-Aklan).
Suno kana nga nabudlayan ro mga pasahero nga ma-comply ro mga requirements partikular ro RT-PCR test .
Ro nasambit nga mga sueundanan suno kana hay sandig sa direktiba ni Aklan Governor Florencio Miraflores matapos nga ipaidaeum ro Aklan sa Alert Level 2 ag makaron hay ginpasaka pa sa Alert Level 3 bangud sa pagtaas it kaso it COVID-19.
Sa Executive Order nga ginpaguwa ni Miraflores ko sabado nga adlaw, kinahangean nga magpakita ro turista ag mga residente it negatibong resulta it anang RT-PCR test nga ginpatigayon sa sueod it 72 oras antes ro pagsueod kara sa Aklan .
Mag-eowas kara, gina-usoy man ro vaccination card ukon certificate, valid ID , notice of coordination sa LGU nga paga-uli-an.
Sa makaron hay uman nga ginbawae nga mag agi sa Kalibo airport ro tanan nga mga turista nga nagapa-agto sa Boracay ag ginbalik raya sa Caticlan airport.
Nagnaba sigon sa haeos 25% ro mga pasahero nga nagasueod sa Boracay.
