KALIBO, Aklan—Maabu nga mga mag-lovers ro nag-selebrar it advance may kaangtanan sa valentine’s day.
Raya ro ginpahayag it sangka front desk officer it sangka hotel sa banwa it Kalibo.
Suno kay Miss Anne, haeos fully booked sanda kahapon nga adlaw it Domingo apang makaron sa mismong adlaw it selebrasyon, ginaeauman nga bandang alas-4 hasta alas-7 it gabi-e hay posibleng mapuno eon ro andang mga kwarto pagkatapos it andang duty sa trabaho.
Samtang, gindugang pa kara nga makaron nga dag-on hay amat-amat eon sanda nga nakakabawi kumpara ko nagtaliwan nga daywang dag-on sa kasagsagan it COVID-19 pandemic.
Sa pihak nga parte, ginpahayag dugang nga nagapabilin sa dati ro andang hotel rates maskin makaron nga may espesyal nga okasyon.
Ro anda sigon nga gina-offer nga normal rate nga naga-umpisa sa 500 pesos hay ginpanabaan eon bilang pagtau it konsiderasyon sa naexperiensiyahan nga pandemya.
Ro anda sigon nga kwarto nga may fan without TV hay 500 pesos samtang ro may TV hay 600 pesos.
Ro room rates sa may aircon without TV hay 650 samtang ro aircon nga may TV hay 700 pesos.
Ro check-in time suno kana hay maskin anong oras basta nga ro pag-check-out hay alas-12 it udtro adlaw pagka-aga.
Buot hambaeon sigon nga ro short time ag overnight hay pareho ro bayad sa room rates.
Engkaso nga magsobra hay nagasukot it additional nga bayad kada oras it extension.
Ginklaru man ni Miss Anne nga ro andang hotel hay bukon eamang it para sa mga lovers kundi sa magpamilya man.
Sa pihak nga parte, hugut sigon nanda nga ginapatuman ro minimum health and safety protocols.
Mag-eowas kara, gina-implementar man nanda ro “ no vaccination card, no entry policy “ ag bawae ro pagsueod it mga menor de edad ukon 18 anyos panaba.
Naga-require eamang sigon sanda it ID sa mga senior citizens nga gustong mag-avail it discount.
