Kasunod it maabu nga mga requirements nga ginapatuman it Social Security System ukon SSS para maboue ro nakataeana nga pension para sa mga senior citizen hay ro pag-apela man it pila sa mga pensioner.
Bangud sa nagadinugang nga mga requirements hay nalisdan ro mga raya sa pagcomply eabi eon ag mga magueang ag indi kantigahon pag-abot sa mga requirements nga kinahangean it internet.
Suno kay Kalibo Sangguniang Bayan Member Augusto Tolentino nga itao sa madali ag maeumo nga pamaagi ro mga nasambit nga pension bangud sa raya ro nagakadapat ag angay.
Nagakalisod sigon ro mga magueang it pieinila tapos dugangan pa it maabu nga requirements.
Ro iba pa sigon sa mga raya hay naghalin pa sa maeayo nga banwa tapos may mga sitwasyon pa kung amat nga ginapabalik it uman ro mga raya bangud sa kakueangan nga daeang dokumento.
Ginpaabot dugang pa ni Tolentino nga duea-on eon ro mga requirements nga may kaangtanan sa internet.
Angot kara, nasayuran nga pila sa mga proseso antes makapa-appointment sa nasambit nga ahensya hay kinahangean pa nga mag pa online registration
