Nagpaandam ro National Nutrition Council (NNC) nga maabung pamilya ro magutman bangud sa sunod-sunod nga inflation ukon pagtaas it presyo it mga pagkaon.
Suno kay i NNC’s Nutrition Information and Education Division Chief Jovita Raval nga posible man raya nga magtuga it “poor nutrition” sa mga pamilya, eabi eon gid sa mga onga.
Kapin sa 3 milyon sigon nga pamilya ro naka-eksperyensya it gutom sa unang mga buean makarong dag-on tuga it Covid-19 pandemic sandig sa recent hunger incidence surveys.
Bangud kara, gin-engganyo ni Raval ro mga Pilipino nga e-priority ro pagbakae it pagkaon sa pihak nga bisyo ukon ibang bagay ro gina-una.
Sa pihak nga parte, may mga klase man it pagkaon nga barato kapareho it mga tinuean-on.
Samtang, dugang pa ni Raval nga kinahangean nga mas tutukan pa it gobyerno ro pakig-angot sa sektor it agrikultura ag magpatuman it mas maabu nga programa nga puwide magtuga it pagpangabuhian para masukean ro hunger incidence.
