Kalibo Aklan —–Ro mga sawa kon ginagutom hay kaeabanan nga makita sa mga kulungan it sapat ag manok ag sa mga ugsaran it baeay agud nga mag-usoy it pagkaon.
Apang kakaiba ro sangka sawa nga nakita sa Taytay, Rizal .
Nakita raya sa sueod it headlight it sangka naka-park nga motorsiklo.
Halata man nga gutok eon ro sawa sa anang ginapanaguan .
Maabu sa mga nakasaksi ro indi makapati nga mag-igo ro mabahoe nga sawa sa headlight.
Nagbakae eamang sa sangka fast food chain ro nagapanag-iya it motorsiklo ag sa anang pagbalik hay nakita nana sa headlight ro sawa.
Nagbueuligan ro mga kaeaeakin-an nga distrungkahon ro takop it headlight ag nabo-oe ro sawa.
Gintau nanda ro sawa sa mga Barangay Tanod nga nagturn-over man sa mga awtoridad o sa DENR.
Maskin ro rider hay indi makapati sa anang kakaibang experiensiya.
