KALIBO, Aklan—Mabahoe ro maduea nga income sa gobyerno bangud sa pagsarado sa operasyon it gaming operations it Philippine Charity Sweepstakes Office (PCSO).
Suno kay John Martin Felimon Alipao, Financial Management Officer it PCSO-Aklan nga binilyong piso ro ginakita kara halin sa operasyon it lotto, keno, Small Town Lottery (STL), tradisyunal nga sweepstakes, peryahan ng bayan ag iba pa.
Sa pihak kara, ginpasiguro ni alipao nga nagapabilin nga normal ro andang operasyon ag padayun ro pagbaton it mga nagakinahang-ean it bulig sa idaeum it andang medical assistance program.
Sa pihak nga parte, gindugang pa ni Alipao nga magahueat sanda it “go signal” halin sa main office kon hasta hin-uno ro suspension it gaming activities it PCSO.
Sa anang pagkasayud suno kana hay nag-apela eon kara ro andang opisyal kay Pangueong Rodrigo Duterte.
Samtang, pwede pa sigon nga mabo-oe it mga nagdaog sa lotto ro andang mga premyo.
Ginlaygay kara nga i-hold anay ro andang ticket bangud nga sang dag-on pa man kara ro anang validation.
