KALIBO, Aklan—Mabahoe ro magiging epekto sa ekonomiya it probinsiya it Aklan engkaso nga maaprubahan ro Boracay Island Development Authority ukon BIDA-GOCC bill.
Suno sa ekonomista ag educator nga si Ramon Quimpo nga posibleng mapas-eawan ro aklan nga uman nga makilaea bilang Top 3 sa may pinakamataas nga collection efficiency sa tanan nga probinsya sa bilog nga nasyon.
Naging first class province suno kana ro Aklan bangud sa mabaskog nga industriya it turismo sa isla.
Nasubuan suno kana imaw sa uman nga pag-refile it House Bill 1085, sangka proposed bill nga magabilog it government-owned and-controlled corporation (GOCC) nga imaw ro magadumaea sa sikat nga tourist spot.
Kaabuan sigon sa income it jetty port sa Caticlan ag Cagban hay naagto sa health sector ag sweldo sa mga job order it provincial hospital ag iba pang district hospitals.
Mag-eowas kara, ro ginaduso nga BIDA GOCC bill hay sangka eabag sa konstitusyon eabi eon sa local government code of 1991.
Mabahoe man ro anang pagpati nga engkaso nga madayun hay magasueod ro mga operasyon it casino sa isla kapareho it ginapadaeagan it mga Chinese nga Philippine Offshore Gaming Operators ukon POGO.
Madueaan man sigon kara it poder ro LGU Aklan ag malay sa andang fiscal ag local autonomy.
Nagapati man imaw nga may hidden agenda ro mga nagaduso kara bangud sa mabahoe nga income it Boracay.
