KALIBO, Aklan—Mabahoe ro naging pagpasaeamat ni re-elected Kalibo sangguniang bayan member Philip Yerro Kimpo sa anang pagpanguna sa bag-o eamang natapos nga eleksyon.
Mabahoe nga dungog suno kana ro anang naangkon bangud nga sa kasaysayan, imaw ro kauna-unahang konsehal sa banwa it Kalibo nga nakabo-oe it masobra sa 22,000 nga boto.
Kon pagataw-an it kahigayunan, gusto sigon nana nga buytan ro committee on education kun sa siin pagadugangan nanda ro scholarship ag magatukod it community college.
Bangud nga una eon sa ulihi ag ikatlong termino, owa ginaduea ni Kimpo ro posibilidad nga magpa-uilihir sa mas mataas nga posisyon.
Apang masyado pa sigon nga temprano agud nga istoryahan ro nasambit nga butang.
Samtang, prayoridd sigon nana nga maibalik ro mga programa halin sa national youth commission, Philippine sports commission, dangerous drugs board, mga sports program sa kabarangayan ag maabu nga iba pa.
