Suportado ni Sangguniang Bayan Member Augusto Tolentino ro plano nga cityhood it Kalibo.
Sa kamatuoran suno kana hay mabuhay eun imaw nga nagdihon it resolution nga addressed kay Congressman Carlito Samson Marquez kung siin nagahinyo nga iconvert ro munisipalidad it Kalibo bilang component city.
Makaron sigon hay may bag-ong laye nga pwedeng maging component city ro capital towns ag qualified ro Kalibo para kara.
Nagapasaeamat man si SB Tolentino kay Congressman Marquez bangud nga ro ana nga hinyo sa pagiging siyudad it Kalibo hay hafile eun sa makaron.
Maabo sigon ro manami nga epekto kung maging siyudad ro Kalibo kapareho it mataas nga income ku LGU, abo man ro mabulig sa banwa it Kalibo bangud nga abo nga magasueod nga mga investors ag iba pa.
Madumduman nga mabuhay eun nga handum it mga opisyales ag pumueoyo nga maging syudad eun ro banwa it Kalibo.
