KALIBO, Aklan–Nagapati si aklan 2nd district Sangguniang Panlalawigan member Jay Tejada nga maabu nga factor kon ham-an nga pirmeng nagakasamad ro provincial road eabi eon sa lugar nga sakop it barangay Bacan sa banwa it Banga.
Suno kana nga mag-eowas nga aeagyan ro lugar it mga truck halin sa quarry site hay masako man raya nga daean kun sa siin maabu nga mga buses ag iba pang saeakyan ro naga-agi sa nasambit nga lugar.
Angot kara, nag apela imaw sa mga contractor nga nagapatigayon it pag-repair it mga karsadahon nga sundon ro standard ukon mahimo hay above standard agud nga makasigurado nga polido ro trabaho.
Importante suno kana nga ro mga road network nga gina-agyan it mga heavy equipment hay nakakasunod sa required nga design agud nga indi basta-bastang masamad.
