KALIBO, Aklan—Nakaexperiensiya it maeapnagon nga power interruption ro mabahoe nga parte it probinsiya it Aklan, bilog nga isla it Panay ag Guimaras umpisa kaina it alas-5:24 it aga-aga bangud sa system trouble.
Suno kay Michelle Visera it National Grid Corporation of the Philippines ukon NGCP nga may na-monitor nga tripping it pilang planta it kuryente sa Negros Oriental ag Iloilo nga nagresulta sa kakueangan it supply sa Negros ag Panay.
Agud nga mapabilin ro integridad it transmission grid, gin-activate kara ro protection systems ag ginpatuman ro manual load dropping sa andang 69KV transmission line bangud sa bukon it bastante nga boltahe sa apektadong grid.
Ginklaru ni Visera nga indi makabig nga blockout ro natabu bangud nga may pilang portion it aklan ro nagapabilin nga may supply it kuryente kapareho it mainland Malay, Buruanga ag isla it Boracay.
Gindugang pa kara nga indi pa nanda matumod kon ro insidente hay tuga it pagpanaeasa it bagyong Lannie kun sa siin ro maabu nga parte it Visayas area hay ginbutang sa signal no. 1.
