KALIBO, Aklan—Sa pihak it pagbaliskad ni Jeff Tumabado nga dating head executive assistant ni LTFRB chairman Teofilo Guadiz III sa anang mga ginbulgar nga anomaliya sa taeatapan it Land Transportation and Franchising Regulatory Board (LTFRB), magapadayon gihapon ro maeapnagon nga untat-byahe it grupong Manibela sa adlaw it Lunes.
Suno kay Manibela chairman Mar Valbuena, tuyo kara nga halungkaton pa gid ro mga anomaliya nga nagakinatabo sa ahensya maskin nga uwa eon sa anda nga bahin ro ginakabig nga whistler blower.
Dugang pa nana nga angot gihapon raya sa panawagan nanda nga isuspinde agud daeayon nga mabasura ro PUV Modernization Program (PUVMP) it gobyerno.
Milyon suno kana ro haega nga kinahang-eanon agud nga maging moderno man ro andang mga ginapamasada nga behikulo apang sa andang tan-aw hay bukon raya it makatarungan ag haeos tanan kanda hay inde makasarang maskin nga may mga gintukod pang kooperatiba.
Nauna eon nga ginapasuspinde ni Sen. Grace Poe sa Department of Transportation (DoTr) ro implementasyon it PUVMP bangud nga engkasong minatuod sigon ro mga alegasyon hay bukon raya it makatarungan para sa mga driver nga nawad-an it pangabuhian bangud nga ginpaboran ro mga nagalagay.
Kamana man, dapat manabat ro mga nagkasaea nga opisyal bangud sigon sa pagpanakaw sa kritikal nga programa sa sektor it transportasyon.
