KALIBO, Aklan—Eauman ro mas maeapnagong pagmimina sa mga lugar nga na-identified it Department of Environment and Natural Resources (DENR) nga may potential para sa critical minerals.
Ginpaathag ni Kabataan Partylist Representative Atty. Renee Louise Co, sa idaeom it Executive Order No. 122 ni Pangueong Ferdinand Marcos Jr, ginkriar ro sangka gintingob nga polisiya para sa critical minerals industry ag gin-ayos ro Mining Industry Coordinating Council.
Ro katuyuan sigon kara nga pabaskugon ro pamumuhunan, domestic processing ag paghimo it mga produktong halin sa mineral hay magatao it problema sa komunidad eabi eon sa mga apektadong lugar.
Bangud kara, eauman suno kay Atty. Co ro mas maeapnagong pagpanamad sa kalikasan para taw-an it pabor ro Memorandum of Understanding sa tunga it gobyerno it Pilipinas sa Estados Unidos.
Sa oras nga matumod it Mines and Geosciences Bureau ro mga lugar nga may potensyal nga deposito it critical minerals, magasulputan ro mga mining company bangud nga posibleng magadasig ro permit processing, pagpatindog it processing ag manufacturing facilities.
Raya suno kana ro rason kon ham-an it suportado it Makabayan bloc ro mga katutubo it apektadong mga lugar nga nagapamaeabag sa pagmimina.// kinahang-ean suno kana nga matapna eon ro pagmimina bangud nga nagasamad raya sa kalikasan.
