KALIBO, Aklan—Ginakabig ni Bombo International Correspondent Natasha Jing Escobar it Rhodes Island, Greece nga ro nag-euntad nga magnitude 7 nga linog sa Samos Island ko adlaw it Biyernes, Oktobre 31 hay ro pinakamabaskog nga pag-uyog nga anang na-experiensyahan sa sueod it 11-anyos nga pagtrabaho sa nasyon.
Suno kana, normal eamang sigon nga makabatyag sanda it linog sa lugar apang ro natabo ko nagtaliwan nga Biyernes hay masyadong mabaskog ag mabuhay.
Apang, ro nasyong Turkey sigon ro pinaka-grabeng naapektuhan kara bangud mag-euwas sa linog hay naka-experiensya man it mini tsunami.
Nagtuga raya it mabahoe nga kahalitan sa mga kabaeayan, pag-collapse it edipisyo, pagkasamad it mga saeakyan ag nag-aywan it ginatos nga mga ninahan ag daywang casualty nga parehong estudyante sa Greece matapos sandang mabagsakan it mga nag-kaeahueog nga debris.
Sa makarun hay nagabueoligan sigon ro daywang ka mga nasyon agud madasig nga makatao it solusyon ag makabangon.
Sa kabilugan nakalista ro Turkey ag Greece it haeos 30 nga mga namatay samtang masobra 800 ro ninahan.
